Në vendet e ish-Jugosllavisë, Dita Ndërkombëtare e të Zhdukurve, 30 gusht 2026, u shënua kryesisht si një detyrim protokollar. Deklaratat e kujdesit për të gjithë të zhdukurit nuk u shoqëruan me kërkesa të përbashkëta, marrëveshje për bashkëpunim apo qasje në materialet arkivore, të cilat shtetet i trajtojnë si çështje të “interesit kombëtar”.

Informacioni për një varr të mundshëm masiv në fshatin Kalludër e Vogël/Mala Kaludra, në komunën e Zubin Potokut në Kosovë, është publik që nga 7 janari i vitit 2013, kur gazeta e përditshme në gjuhën shqipe Zëri botoi një shkrim dhe deklaratën e serbit Ranko Tepavac për vrasjen e 23 civilëve shqiptarë dhe varrosjen e fshehtë të trupave të tyre në luginën e fshatit Kalludër e Vogël/Mala Kaludra. Deklaratën ua dha hetuesve të UNMIK-ut dhe Policisë së Kosovës më 7 shkurt të vitit 2003.