Tё dimё: Obri e Epёrme, 26 shtator 1998
Nё Obrinё e Epёrme nё Kosovё, me 26.09.1998, forcat serbe kanё vrarё 27 civilё, duke mos i kursyer as fёmijёt.
Forcat e bashkuara tё UJ-sё dhe MPB-sё, me datёn 25.09.1998, filluan ofanzivёn kundёr UÇK-sё, nё fshatrat nё pjesёn perёndimore tё qytetit tё Gllogovcit (Likoc, Obri e Epёrme, Obri e Poshtme dhe Tёrdec). Atё ditё nё Likoc u vranё katёr pjesёtarё tё Njёsisё Specilae Antiterroriste tё MPB-sё RS (NSA), dhe disa orё mё vonё, nё fshatin fqinjё, Obri e Poshtme, dy pjesёtarё tё NSA-sё. UÇK bёri rezistencё nё Obri tё Epёrme deri nё pasditen e 26.09.1998, kur u larguan nga fshati, dhe pas kёsaj kolona e automjeteve luftarake dhe kёmbёsorisё tё UJ-sё dhe MRB-sё hynё nё fshat.
Gjatё asaj kohe, tetёmbёdhjetё gra, fёmijё dhe tё moshuar nga familja Delia, ishin fshehur nё tenda plastike nё periferi tё fshatit, nё vendin e quajtur Zabeli i Pёrrenjёve. Gjatё bastisjes sё fshatit, pjesёtarёt e forcave serbe e gjetёn gjashtёdhjetёetetё vjeçarin Ali Deliun, i cili nё ato momente ishte larguar nga anёtarёt tjerё tё familjes. Ata kishin kёrkuar nga ai t’u tregonte se ku ishih fshehur anёtarёt e tjerё tё familjes, gjё qё ai e bёri. Pjesёtarёt e forcave sёrbe me tё ardhur te tendat ku ishin fshehur anёtarёt tjerё tё familjes Deliu, pa kurrfarё njohtimi apo paralajmёrimi filluan tё shtien nё gra, fёmijё dhe tё moshuar. Aty u vranё tё moshuarit Pajaziti dhe Aliu, tё moshuarat Hamide dhe Havё Elshani, Lumnije Deliu, i biri i saj Jetoni (11 vjeç) dhe vajza e saj katёrvjeçare Menduhija, Mihane Deliu dhe djali i saj dyvjeçar Valmiri, Zahide Deliu dhe vajzat e burrit tё saj, shtatёvjeçarja Donjeta dhe tetёvjeçarja Gentiana, si dhe Luljeta Deliu e cila ishte nё muajin e nёntё tё shtatёzanisё. Kanё mbijetuar katёr fёmijё tё cilёt nё ato momente u gjendёn paksa nё largёsi tё tendave.
Atё ditё, nё fshat u vranё civilёt Hysen Deliu, dy vajzat e tij, Mihanja (16) dhe Antigona (14), vёllau i Hysenit Habibi, pastaj Fazli Deliu, Sherif Deliu, Adem Deliu dhe Hajriz Deliu, trupi i tё cilit u gjend nё bunarё. Ishin vrarё edhe Ali e Hyrё Kalludra, Rrustem Hysenaj, Bilall Demaku, Xhevdet Demiqi. Po atё ditё, nё luftime u vranё pjesёtarёt e UÇK-sё, Afrim Kiqina, Afrim Hajdaraj, Vesel Demaku dhe Valdet Xhemajli.
Sipas Urdhёrit pёr mbёshtetje tё forcave tё MPB pёr ti shkatёrruar forcat e DTS-sё nё zonёn e Kosmaqit, Komanda e Korpusit tё Prishtinёs UJ, [dokumenti i paraqitur si dёshmi nё lёndёn e Milan Milutinoviqi dhe tё tjerёt para Gjyqit tё Hagёs], nё akcionin nё Obrinё e Epёrme atё ditё morrёn pjesё: 3. Njёsia Speciale e Policisё (NSP), çeta e PJP-sё Mitrovicё e Kosovёs dhe Njёsiti pёr Operacione Specilae MPB RS (JSO), nё bashkёpunim me Batalionin e 1-rё, brigadёn e motorizuar 125, tё UJ-sё.
Autoritetet kompetente tё Republikёs sё Serbisё, deri mё tani nuk kanё ngritur asnjё procedurё kundёr pёrgjegjёsve pёr kёtё krim.
