Jovan Lipovaç, një nga katër ish-luftëtarët serbë që po ndiqen penalisht në Beograd për përfshirje në rrëmbimin dhe ekzekutimin e 20 pasagjerëve joserbë të rrëmbyer nga një tren në Strpci në Bosnje në vitin 1993, vdiq përpara seancës së parë në rigjykimin e tij.Lipovaçi ishte në gjyq së bashku me ish-paraushtarakët e dyshuar Gojko Lukiç, Dusko Vasiljeviç dhe Dragana Djekiç për pjesëmarrje në rrëmbimin e 20 pasagjerëve joserbë nga një tren në stacionin Strpci në Bosnje dhe Hercegovinë në 1993. Të gjithë pasagjerët e robëruar u vranë më pas.
Gjatë konfliktit të armatosur në territorin e Bosnje dhe Hercegovinës (BiH), Svetozar Andriq shërbeu si komandant i Brigadës së Parë të Këmbësorisë Biraç të Ushtrisë së Republikës Srpska (VRS) dhe, pas korrikut 1995, si zëvendës komandant dhe shef i Stafit Korpus të Drinës të VRS.
Dëshmitë e paraqitura në këtë dosje tregojnë se, që nga maji 1992, kur Andriqi urdhëroi “përzënien e popullatës myslimane” nga komuna e Zvornikut dhe ngritjen e kampit të Sushicës në Vlasenicë1, anëtarët e Brigadës Biraç, në mënyrë të pavarur ose në bashkëpunim me të tjera njësi ushtarake dhe policore kanë kryer krime të shumta në komunat e zonës së përgjegjësisë së brigadës. Dosja gjithashtu paraqet prova të rolit të Svetozar Andriqit në gjenocidin e kryer në Srebrenicë në korrik 1995.
