FDH dorëzon kallëzime penale për krime lufte në Kalesija dhe Vlasenicë në vitin 1992
Fondi për të Drejtën Humanitare (FDH) ka paraqitur kallëzim penal në Prokurorinë Publike për Krime Lufte të Republikës së Serbisë, kundër Slobodan Pajiq dhe Vlastimir Bećarević, ish-oficerë të Brigadës së Parë të Këmbësorisë Biraç të Ushtrisë së Republikës Srpska (VRS).Me dyshimin e arsyeshëm se ata kanë urdhëruar dhe/ose kanë kryer krime lufte në komunat Vlasenicë dhe Kalesija gjatë muajve majit dhe qershorit 1992.
Kallëzimet penale kundër Pajiq dhe Bećarević janë rezultat i hulumtimit të Fondit për të Drejtën Humanitare për krimet e luftës të kryera në zonën e përgjegjësisë së Brigadës së Parë të Këmbësorisë Biraç nën komandën e Svetozar Andrić. FDH-ja i prezantoi publikut gjetjet e këtij hulumtimi në fund të shkurtit 2024 në Dosjen “Svetozar Andrić”. Brigada e Parë e Këmbësorisë Biraç e Ushtrisë së Republikës Srpska, e formuar në maj 1992, mori pjesë në dëbimin e popullatës joserbe nga komunat e Zvornikut, Vlasenicës dhe Kalesija, vrasjen e civilëve gjatë okupimit të territorit, djegien dhe shkatërrimin e fshatrave.
Gjatë konfliktit të armatosur në territorin e Bosnje dhe Hercegovinës (BiH), Svetozar Andriq shërbeu si komandant i Brigadës së Parë të Këmbësorisë Biraç të Ushtrisë së Republikës Srpska (VRS) dhe, pas korrikut 1995, si zëvendës komandant dhe shef i Stafit Korpus të Drinës të VRS.
