Më 16 janar 2008, Gjykata e Qarkut në Gjilan/Gnjilane e ka dënuar Sadat Fejzën me heqje lirie në kohëzgjatje prej 6 vjetësh dhe 6 muajsh për shkak të sulmit ndaj serbëve Zvonko Kostić, Branko Palošević dhe priftit ortodoks Dragan Kojić në korrik të vitit 2000. Në bazë të monitorimit të këtij gjykimi, FDH vlerëson se procesi gjyqësor është zhvilluar në përputhje me ligjin dhe se dënimi i shqiptuar është në suazat të parapara me ligj për këtë vepër penale.
Gjatë periudhës tetor-dhjetor të vitit 2007, Fondi për të Drejtën Humanitare-Kosovë (FDH-Kosovë) ka kryer një hulumtim për të parë sa zbatohet ligji kundër diskriminimit dhe ligji mbi përdorimin e gjuhëve, në ndërmarrjet publike në Kosovë. Në hulumtim janë përfshirë: Korporata Energjetike e Kosovës (KEK)1, Post Telekomi i Kosovës (PTK)2, Hekurudhat e Kosovës, Kosovatransi, Termokosi, Aeroporti i Prishtinës/Prištinës, ndërmarrjet publike regjionale të ujësjellësve dhe kanalizimit, si dhe ndërmarrjet regjionale që bëjnë pastrimin e qytetit, rregullimin e sipërfaqeve të gjelbra dhe mirëmbajtjen e tregjeve dhe varrezave. Hulumtimi është kryer në të gjitha regjionet e Kosovës (Prishtinë/Priština, Prizren/Prizren, Gjilan/Gnjilane, Pejë/ Peć dhe Mitrovicë/Mitrovica), në qendër dhe në qendrat regjionale të ndërmarrjeve publike.
Në dispozicion në English në srpski.
Në dispozicion në English në srpski.