Kreu i Partisë Radikale Serbe, Vojisllav Shesheli, kandidon sërish për një vend në parlament në zgjedhjet e përgjithshme që do të mbahen muajin e ardhshëm, pavarësisht se ka një dënim për krime lufte që duhet ta kishte ndaluar ligjërisht që ai të bëhej deputet.
Politikani ultranacionalist Vojisllav Sheshel, kreu i Partisë Radikale Serbe, po përpiqet të rifitojë një vend në parlamentin serb në zgjedhjet e 3 prillit – edhe pse, pasi u dënua nga gjykata e OKB-së për krime lufte, ai duhej tqa kishte të ndaluar të bëhej deputet.
Shesheli u dënua me dhjetë vjet burg nga Mekanizmi për Gjykatat Penale Ndërkombëtare në Hagë në prill 2018 për nxitje të krimeve të luftës kundër kroatëve etnikë në fshatin serb të Hrtkovcit në vitin 1992. Megjithatë, për shkak të viteve që ai kishte kaluar tashmë në paraburgim, ai nuk duhej ta vuante dënimin.
