Fondi për të Drejtën Humanitare (FDH) dhe Koalicioni në lidhje me qasjen ndaj drejtësisë kanë prezantuar sot analizën e harmonizimit të legjislacionit vendës me rrjedhat juridike të BE-së në fushat e krimeve të luftës dhe të drejtat themelore të Kapitullit 23-Gjyqësori dhe të drejtat themelore. Analiza „Drejtësia tranzicionale në procesin e pranimit të Serbisë në Bashkimin Evropian” i paraqet politikat dhe instrumentet e BE-së në lidhje me krimet e së kaluarës, rregullativin ligjor të BE-së, që i përmban parimet e drejtësisë tranzicionale, harmonizimin e momentit të dispozitave të Republikës së Serbisë me atë rregullativ, si dhe rekomandimet për harmonizimin e mëtejmë. Analiza është në dispozicion në gjuhën serbe dhe angleze.
Të premten, me 28 mars të vitit 2014 në Bibliotekën e fakultetit Juridik të Universitetit Union në Beograd është mbajtur Tryezë e Rrumbullakët në temën Edukimi për pajtimin: Roli i edukimit në procesin e ballafaqimit me të kaluarën si mekanizëm për pajtim dhe prezantimi i buletinit të eseve nga studentët e Shkollës Rajonale për Drejtësi Tranzicionale të organizuar nga Fondi për të Drejtën Humanitare, Fakultetiti Juridik Universiteti Union dhe Qendra për avancimin e studimeve juridike.
Të hënën me 24 mars të vitit 2014 në Bibliotekën Kombëtare të Kosovës në Prishtinë është mbajtur Tryezë e Rrumbullakët në temën Edukimi për pajtimin: Roli i edukimit në procesin e ballafaqimit me të kaluarën si mekanizëm për pajtim dhe prezantimi i buletinit të eseve nga studentët e Shkollës Rajonale për Drejtësi Tranzicionale të organizuar nga Fondi për të Drejtën Humanitare dhe Fondi për të Drejtën Humanitare Kosovë. Tryezën e Rrumbullakët e hapi Adriatik Kelmendi, gazetar dhe profesor i Universitetit AAB në Prishtinë, dhe Bekim Blakaj, drejtor ekzekutiv i Fondit për të Drejtën Humanitare Kosovë .
Të enjten më 19 dhjetor 2013 në Qendrën Kulturore të Beogradit, Fondi për të Drejtën Humanitare (FDH) ka organizuar tribunën “Fëmijët e pas luftës “. Në tribunë kanë folur shtatë të rinjë që vijnë nga vende të ndryshme: Bosnja e Hercegovina, Kroacia, Kosova dhe Serbia, të cilët personalisht apo me anëtarët e familjeve të tyre i kanë mbijetuar krimeve dhe tragjedisë personale. Tribuna u ndoq nga 40 nxënës të rinjë nga shkollat fillore e të mesme si dhe studentë nga Serbia.
Të premten më 11 tetor 2013 Fondi për të Drejtën Humanitare (FDH) prezantoi dosjën “Brigada e Motorizuar 125 të Ushtrisë Jugosllave”. Në këtë Dosje janë të përshkruara 10 krime në të cilat janë të perfshirë pjesëtarët e Brigades së motorizuar 125 të ushtrisë jugosllave nën komandën e Dragan Živanovića apo njësive të nënshtruara ku janë vrarë 301 civilë, prej tyre shtatë femra dhe 19 fëmijë.
Në dispozicion në English në srpski.
Në dispozicion në English në srpski.
Koalicioni për KOMRA e ka prezantuar sot, në datën 9 prill të vitit 2013, në Qendrën për Media në Beograd, Raportin mbi drejtësinë tranzicionale në vendet post-jugosllave për vitin 2010/2011 dhe numrin 4 të revistës Forum për drejtësi tranzicionale. Mbi Raportin kanë folur Natasha Kandiqi, koordinatore e procesit KOMRA dhe themeluese e Fondit për të Drejtën Humanitare (FDH), Sandra Orloviqi, drejtoreshë ekzekutive e FDH-së, Mario Mazhiq nga Nisma e të Rinjve nga Kroacia, kurse Denisa Kostoviçova, ligjëruese në Shkollën e Londrës për Politikë dhe Ekonomi, e ka prezantuar Forumin. Moderatore e tubimit ka qenë Maja Miqiç nga Nisma e të Rinjve për të Drejtat e Njeriut nga Serbia. Në Konferencë kanë qenë të pranishëm përfaqësuesit e shoqërisë civile, të ambasadave dhe mediat.
