Gjyqtarja Gordana Arangjelloviq, kryesuese e panelit gjyqësor në procedurën civile kundër Natasha Kandiq dhe FDH-së [padia e gjeneralit Dikoviq për shpifje dhe fyerje të nderit], në seancën e sotme (15.09.2015) mori vendim të përjashtojë publikun, me arsyetimin se salla është e vogël dhe se nuk ka vend për gazetarët. E paditura e parë, Natasha Kandiq, përfaqësuesja ligjor e FDH-së, Sandra Orlloviq dhe avokati Vlladimir Gajiq u larguan nga salla e gjyqit, duke thënë se vendimi nuk është bazuar në arsyet e përcaktuara me ligj dhe se paraqet një shkelje thelbësore të procedurës dhe parimeve të gjykimeve publike. Sot ishte planifikuar që Natasha Kandiq të shtroj pyetje gjeneralit Lubisha Dikoviq. Këtu mund të shihni padinë e dorëzuar nga Lubisha Dikoviq si dhe procesverbalin e seancës të mbajtur më datën 18.02.2015 dhe 19.05.2015.
Fondi për të Drejtën Humanitare në bashkëpunim me Shoqatën “Juristi” dhe Fondin për të Drejtën Humanitare Kosovë, shpall konkurs për regjistrimin e gjeneratës së katërt të studentëve të Shkollës Rajonale të Drejtësisë Tranzicionale, që do të mbahet në Beograd nga data 16 deri në datën 23 tetor të vitit 2015
