Me rastin e botimit të tekstit të Jasmina Teshanoviqit „Shpresoj se Perëndimi nuk do të intervenoj në Siri, sepse e kam përjetuar intervenimin e tillë personalisht”
Në datën 16.09.2013, portali i internetit i revistës britanike The Guardian e ka botuar tekstin e Jasmina Teshanoviqit me titullin „Shpresoj se Perëndimi nuk do të intervenoj në Siri, sepse e kam përjetuar intervenimin e tillë personalisht”. Në këtë tekst, autorja, nga këndi i saj personal, e përkujton përditshmërinë beogradase gjatë kohës së bombardimit të NATO-s në vitin 1999.
Të dielën 15 shtator në Stamboll, Natasha Kandiq, themelueses e Fondit për të Drejtën Humanitare dhe koordinatore rajonale e KOMRA-s iu nda çmimi ” Hrant Dink” Ky çmim i jepet individëve, organizatave jofitimprurëse apo grupeve të cilët luftojnë për një botë më të drejtë pa diskriminim, racizëm dhe dhunë, respektivisht atyre të cilët janë të përkushtuar për të arritur këto ideale, rrënojnë stereotipet dhe përdorin gjuhën e paqes në ketë mënyrë frymëzojnë dhe ngjallin shpresën tek të tjerët.
Kryetari i Republikës së Serbisë, Tomisllav Nikoliqi e ka emëruar gjyqtarin e Gjykatës së Apelit të Beogradit Sinisha Vazhiqin si të dërguarin e tij personal në Grupin Rajonal të Ekspertëve për KOMRA-n. Kryetari i Kroacisë Ivo Josipoviqi në këtë post tashmë e ka emëruar Zllata Gjurgjeviqin, profesoreshën e rregullt të Fakultetit të Drejtësisë të Universitetit të Zagrebit; kryetari i Maqedonisë e ka emëruar Gjorge Ivanov Luben Arnaudoskin, zëvendëssekretarin e përgjithshëm për çështje juridike dhe organizative në kabinetin e kryetarit të Maqedonisë; kryetari i Malit të Zi, Filip Vujanoviqi, dekanen e Fakultetit të Shkencave Politike në Podgoricë dhe këshilltare e tij personale për të drejta të njeriut dhe të pakicave, Sonja Tomoviq-Shundiqin; presidentja e Kosovës, Atifete Jahjaga, këshilltarin e saj personal për çështje juridike Selim Selimin; anëtari i Presidencës së B dhe H, Bakir Izetbegoviqi e ka emëruar në këtë post Aljosha Çamparin, nënkryetarin e Sarajevës; kurse anëtari i Presidencës së B dhe H, Zheljko Komshiqi e ka emërtuar Goran Mihaljeviqin, ekspertin për çështje ligjore për bashkëpunim me Tribunalin e Hagës si të dërguar personal për KOMRA-n. Të dërguarit e tyre personal ende nuk i kanë emëruar anëtari i tretë i Presidencës së B dhe H, Nebojsha Radmanoviqi dhe kryetari i Sllovenisë, Borut Pahor.