/Informimi/Njoftimet

Oficerët dhe ushtarët e UJ dënohen për krime të luftës të kryera në Kosovë

Trupi Gjykues i Gjykatës së Lartë në Nish, me të cilin ka kryesuar gjykatësja Dijana Jankoviq, ka shqiptuar në datën 3.08.2012 aktvendimin ndëshkues për pjesëtarët e fajësuar të Ushtrisë së Jugosllavisë – oficerët Zlatan Mançiq dhe Radeta Radojeviqin, dhe ushtarët e rregullt, Danillo Teshiq dhe Mishel Seregi, për vepër penale të krimeve të luftës kundër popullatës civile, të kryera në Kosovë në muajin prill të vitit 1999. Të akuzuarit nuk kanë qenë të pranishëm gjatë shpalljes së vendimit gjyqësor. Kryetarja e trupit gjykues i ka lexuar dënimet me burgosje, por nuk e ka lexuar arsyetimin e aktvendimit, duke konsideruar se „kjo nuk është e nevojshme, sepse të akuzuarit nuk janë të pranishëm dhe në mënyrë që pa nevojë të mos i lodh të pranishmit“.


Share

Tomislav Stojkoviq nuk është i denjë për të qenë gjykatës i Gjykatës Kushtetuese të Republikës së Serbisë

Fondi për të Drejtën Humanitare, në datën 11 shkurt të vitit 2011 e ka filluar iniciativën për shkarkimin e gjyqtarit të Gjykatës Kushtetuese të Republikës së Serbisë, Tomislav Stojkoviqin për shkak të dyshimit se është i përfshirë në rrëmbimin e avokatit Teki Bokshi, shqiptar nga Kosova. Në iniciativë e vet, të dorëzuar ish kryetarit të Republikës së Serbisë, Boris Tadiqit, ish kryetares së Kuvendit Popullor Slavica Xhukiq-Dejanoviq, ish ministres së Drejtësisë Snezhana Maloviq, ministrit të Punëve të Brendshme Ivica Daçiqit dhe Asamblesë së Përgjithshme të Gjykatës së Kasacionit të Serbisë, FDH ka kërkuar shkarkim të gjykatësit Stojkoviq dhe konfirmim të përgjegjësisë së tij penale.

Share

Prokuroria për krimet e luftës vepron sipas urdhrave politik: rasti i shqiptarëve nga Bujanovci

Gjatë fushatës zgjedhore në Serbi, në datën 3 maj të vitit 2012, janë burgosur pesë shqiptarë nga komuna e Bujanovcit, – Elhami Salihu, Mustafa Limani, Sherif Abdiri, Nedir Sefedini dhe Sevdaij Emurllahu, të cilët, pjesëtarët e maskuar të xhandarmërisë, të njëjtën ditë i kanë dërguar në seli të MPB-së së Republikës së Serbisë, në Beograd. Të burgosurit kanë me qenë në pranga me duart të lidhura pas shpine. Gjatë pasdites, ministri i policisë, Ivica Daçiq, në konferencën për shtyp në Vranjë, gazetarëve ua ka treguar dokumentet policore mbi vrasjet e civilëve serb dhe të pjesëtarëve të MPB-së së Serbisë nga ana e Ushtrisë Çlirimtare të Preshevës, Bujanovcit dhe Medvegjes (UÇPBM). Ai ka sjellë të dhënën se gjatë vitit 2000 dhe 2001, në sulmet e UÇPBM-së janë vrarë 18 policë dhe ushtarë, kurse 43 civilë serb janë kidnapuar. Të njëjtën ditë, prokurori për krime të luftës, Vlladimir Vukçeviq e ka informuar opinionin publik se është fjala për hetime, të cilat, sipas ligjit, janë fshehtësi[1], kurse disa media, duke iu referuar burimeve jozyrtare, kanë transmetuar se dyshohet që të burgosurit kanë qenë pjesëtarë të UÇPBM-së, të cilët në vitin 2001kanë marrë pjesë në rrëmbimin e dy të rinjve serb, trupat e të cilëve janë gjetur në afërsi të kampit të UÇPBM-së  në fshatin Breznica e Ulët (Donja Breznica) në Kosovë.

Share

Gjykatat në Serbi sjellin vendime gjyqësore me kompensime përulëse në të holla për viktimat joserbe

Gjykata e parë themelore në Beograd ka sjellë vendimin gjyqësor, me të cilin e ka obliguar Republikën e Serbisë që t’ua paguajë kompensimin në shumën prej 1,3 miliona dinarësh pesë shqiptarëve nga Kosova, për shkak të paraburgimit të tyre të paligjshëm, prej 8 deri në 17 muaj, si dhe për shkak të keqtrajtimit që iu është bërë nga ana e pjesëtarëve të MPB-së së Serbisë dhe Ushtrisë së Jugosllavisë (UJ). FDH konsideron se gjykimet në Republikën e Serbisë po vazhdojnë me praktikën e vendimeve gjyqësore përulëse dhe me kompensimet e padrejta në të holla për shkeljet e të drejtave të njeriut në të kaluarën. FDH do t’ia deponojë ankesën gjykatës, kurse nga qeveria e re do të kërkojë që ta vendos standardin e kompensimit të drejtë për shkeljen e të drejtave të njeriut në të kaluarën, me të cilin, de facto, do të hiqet diskriminimi i viktimave joserbe.


Share

Presidenti i Serbisë të heqë dorë nga retorika dhe veprimet e së kaluarës

Pas deklaratës se Vukovari është qytet serb, presidenti i sapo zgjedhur i Serbisë Tomisllav Nikolliq e ka bërë edhe një gabim. Në intervistën dhënë RTCG-së, datë 31.05.2012 deklaroi se në Srebrenicë nuk është kryer gjenocid, me të cilën deklaratë i ka shkaktuar dëm të madh Serbisë e cila pranon dhe respekton vendimet e Tribunalit Penal Ndërkombëtar për ish-Jugosllavi dhe Gjykatës Ndërkombëtare të Drejtësisë se në Srebrenicë ushtria e Republikës Serbe ka kryer gjenocid ndaj boshnjakëve mysliman.


Share
«‹252627282930313233›»