Fondi për të Drejtën Humanitare (FDH) i ndjek dhe i mbështet gjyqet për krime lufte që nga procedurat e para të zhvilluara në Republikën e Serbisë në vitin 2002. FDH-ja i përfaqëson viktimat (të dëmtuarit) përmes përfaqësuesve ligjorë, paraqet kallëzime penale në Zyrën e Prokurorit për Krime Lufte, dorëzon dokumentacion mbi krimet e kryera dhe identifikon e inkurajon dëshmitarët dhe viktimat që të dëshmojnë në këto procedura – duke kontribuar kështu në vendosjen e drejtësisë për krimet e së kaluarës.
Si organizata e vetme që në mënyrë të vazhdueshme i ndjek dhe i analizon gjyqet për krime lufte në Serbi, FDH-ja informon rregullisht opinionin vendor dhe ndërkombëtar për rrjedhën e tyre. Procedurat para gjyqësorit serb mund të ndiqen përmes transkripteve nga shqyrtimet kryesore, si dhe përmes raporteve të përgatitura nga vëzhguesit e FDH-së. Për secilën çështje është e qasshme një përmbledhje e rastit, aktakuza dhe aktgjykimet apo vendimet e tjera gjyqësore.
