| Srpski
 | English
 | Shqip
Pogodak!
Ky raport është rezultat i përcjelljes sistematike të iniciativave në fushën e drejtësisë tranzicinale në vendet e krijuara pas shkatërrimit të Jugosllavisë prej organizatave për të drejtat e njeriut, siç janë Fondi për të drejtën humanitare (Beograd) dhe organizata Documenta (Zagreb). Procesi i dezintegrimit të Federatës Jugosllave është përcjellë me tre konflikte të armatosura të intensitetit të lartë: në Kroaci (1991-1995), Bosnjë dhe Hercegovinë (1992-1995) dhe në Kosovë (1998-1999), në të cilat kanë humbur jetën më së paku 130.000 njerëz, me miliona të tjerë janë detyruar t’i lëshojnë vatrat e tyre, kurse qindra mijëra shtëpi janë shkatërruar.... >>
FDH-Kosovë është e vetmja organizatë joqeveritare në Kosovë që monitoron gjykime për krime lufte dhe ato të motivuara etnikisht. Në vitin 2007, FDH-Kosovë ka marr pjesë në 117 seanca të shqyrtimeve të ndryshme kryesore që janë mbajtur në kuadrin e 21 proceseve gjyqësore pranë gjykatave komunale dhe të qarkut, si dhe 4 proceseve gjyqësore që u zhvilluan pranë Gjykatës Supreme të Kosovës. Në gjykimet që janë mbikëqyrur nga FDH-Kosovë në këtë vit janë marrë në pyetje 119 dëshmitar, dy nga të cilët kanë qenë të mbrojtur, ndërkaq pesë të tjerë ishin dëshmitarë profesionistë – ekspertë për balistikë dhe neuropsikiatri. Në të gjitha këto raste aktakuzën e kanë ngritur dhe atë e përfaqësonin prokurorët ndërkombëtarë. Po ashtu, të gjithë kryesuesit e paneleve gjyqësore kanë qenë gjykatës ndërkombëtar, ndërsa në mesin e kolegjeve penale kishte edhe gjykatës vendor.... >>
Çdo qeveri merr përgjegjësinë për veprat e mira dhe të këqija të paraardhësve
të saj, dhe çdo popull për veprat e mira dhe të këqija nga e kaluara e vet.
Hannah Arendt, ''Ajhmani në Jerusalem''
Outreach (Komunikimi me Publikun)
 
Print Send Link To a Friend

FDH po kundërshton mohimin që u bëhet krimeve të luftës nga ajo pjesë e shoqërisë që nuk dëshiron të përballet me të vërtetën e së kaluarës. FDH argumenton nevojën e përballjes me të kaluarën e hidhur të shkeljes masive dhe sistematike të të drejtave të njeriut gjatë konfikteve të armatosura. Organizata u mundëson historianëve, kërkuesve shkencorë, familjeve të viktimave, publikut më të gjerë dhe brezave të ardhshëm aksesin në dokumentacionin përkatës që ka lidhje me konfliktet e armatosura.

Si pjesë e përpjekjeve të tij për ngritjen e drejtësisë në tranzicion, FDH mban te informuar publikun, institucionet serbe dhe organizatat ndërshteterore. Informimin e kryen nëpërmjet deklaratave, raporteve, konferencave, buletineve, konferencave për shtyp, Forumit për Drejtësinë në Tranzicion, faqes së tij në internet dhe publikimeve të ndryshme.  

Në vitin 2007, FDH publikoi 67 deklarata, 11 buletine të drejtësisë në tranzicion, një varg çështjesh të ngrituara në botimin periodik “Forumi për Drejtësinë në Tranzicion”, një film dokumentar, një filmim të marrjes në pyetje të një dëshmitari, 45 volume të transkriptimeve të gjykimit në Hagë të Slobodan Milosheviqit në gjuhët Boshnjake, Kroate dhe Serbe, transkriptimet e tavolinës së rrumbullakët “Gjykimi mbi Genocidin i Gjykatës Ndërkombëtare për Drejtësi” dhe pesë raporte mbi gjendjen e të drejtave të minoriteteve në Kosovë. 

FDH organizon diskutime publike për drejtësinë në tranzicion në formën e konferencave, tavolinave të rrumbullakëta, seminareve, konslutimeve, dëgjimeve të dëshmitarëve në publik dhe promovimit të të vërtetave të vendosura nga gjykatat. FDH bën filmime të këtyre aktiviteteve të cilat i publikon në faqen zyrtare të internetit. Në vitin 2007, FDH prodhoi një dokumentar mbi njësitin paramilitar Skorpionët.

FDH vazhdimisht bën përpjekje për të zgjeruar veprimtarinë e vet informuese dhe përmirësuar komunikimin me publikun me qëllim që t'i bëjë me dije objektivat, vizionin dhe arritjet e tij, por edhe për të nxitur njerëzit dhe institucionet të bëjnë drejtësi për viktimat, të gjejnë përgjegjësit për krimet e luftës dhe të mos lejojnë manipulimin e numrit te viktimave.