| Srpski
 | English
 | Shqip
Pogodak!
REKOM
Fondi përtë Drejtën Humanitare (FDH) gjatë vitit 2008 i ka monitoruar të gjitha gjykimet e zhvilluara në Serbi për krime të luftës, vrasje dhe vepra tjera penale që kanë ndodhur gjatë konfliktevetë armatosura, të gjitha gjykimet e mbajtura në Kosovë për krime të luftës dhe vepra penale të motivuara etnikisht apo politikisht, si dhe disa prej gjykimeve të zgjedhura për krime të luftës në Kroaci dhe Bosnjë e Hercegovinë, në kuadër të bashkëpunimit rajonal për përcjelljen e gjykimeve për krime të luftës pranë gjykatave nacionale.... >>
Bazuar në hulumtimin e zhvilluar, FDH-Kosovë konsideron se situata e sigurisë në Mitrovicën veriore / Mitrovica është e paqëndrueshme.... >>
Çdo qeveri merr përgjegjësinë për veprat e mira dhe të këqija të paraardhësve
të saj, dhe çdo popull për veprat e mira dhe të këqija nga e kaluara e vet.
Hannah Arendt, ''Ajhmani në Jerusalem''
Komunikatat 
 
Print Send Link To a Friend
Prezantimi i regjistrimit të të vrarëve, të zhdukurve dhe të rënëve i mbajtur në Mejë/Meji
Date:25/07/2009 18:00

Fondi për të Drejtën Humanitare (FDH) në Mejë ka paraqitur të dhënat për të vrarët dhe të zhdukurit me datën 27.04.1999 në territorin e kësaj pjese të komunës së Gjakovës, kur forcat serbe në luginën e Carragoit kanë vrarë ose ndarë nga kolona e refugjatëve 384 Shqiptarë, ndërsa banorët e tjerë I kanë përndjekur për Shqipëri.

Përveç kësaj janë paraqitur edhe të dhënat mbi viktimat e rëna në Bistrazhin me 14 Prill 1999, kur NATO ka bombarduar kolonën e refugjatëve.

Në prezantimin i cili është mbajtur në hapësirat e restorantit Vendlindja në Mejë kanë marrë pjesë më shumë se 80 anëtarë të familjeve të vrarëve dhe të zhdukurve me 27 Prill 1999 në Mejë, Korenicë, Bistrazhin, Dobrosh dhe fshatrat tjera.

Të gjithë të pranishmit kanë verifikuar saktësinë e të dhënave për të pësuarit e familjarëve të tyre dhe një numër i tyre FDH-së i ka dhënë fotografitë dhe kopjet e dokumenteve personale.

Në linkun e mëposhtëm mundeni të shkarkoni prezantimin komplet të regjistrimit të të vrarëve dhe të zhdukurve në Mejë/Meji.