Sipas të dhënave të ICRC-së (Komisionit Ndërkombëtar të Kryqit të Kuq) nuk dihet ende fati i 17158 personave të cilët u deklaruan të humbur gjatë konflikteve të armatosura në ish-Jugosllavi. Në bazë të së drejtës ndërkombëtare, familjet e tyre kanë të drejtë të dinë se çfarë u ka ndodhur atyre dhe kush është përgjegjës. Gjithashtu ato kanë të drejtë të kërkojnë reparacione, kompensimin e dëmeve, mbështetje sociale, fizike dhe psikologjike nga shoqëria për të tejkaluar traumat e shkaktuara nga humbja e njerëzve të afërm. Të gjithë ne që kemi qenë me fat dhe nuk jemi prekur direkt, kemi të drejtë të kërkojmë nga qeveria që të merren masa në mënyrë që krime të tilla të mos përsëriten më. Këto masa përfshijnë: kërkimin e së vëretës mbi krimet, procedimin penal të kriminelëve, përkujtimin dhe respektimin e viktimave, përfshirjen në tekstet mësimore të të gjitha niveleve të të dhënave të sakta historike mbi shkeljen e të drejtave te njeriut dhe shkeljen e së drejtës ndërkombëtare humanitare.

Në mbështetje të viktimave të të gjitha luftërave që ndodhën në territorin e ish-Jugosllavisë ne vitet 90, Fondi për të Drejtën Humanitare jep ndihmesën e vet në një inisiativë të organizatave joqeveritare të rajonit, për zbatimin e detyrimit të qeverive dhe organizatave ndërkombëtare për zbatimin pa kushte në dobi të viktimave të dispozitave që rrjedhin nga drejtësia në tranzicion. Inisiativa i bën thirrje veçanërisht BE-së që për vendet e ish-Jugosllavisë të vëri kushte të cilat duhet të përmbushen përpara integrimit të tyre. Keto kushte duhet të lidhen me kërkimin e njerëzve të humbur, hetime efiçente, procedimin e krimeve të luftës, ofrimin e reparacioneve dhe mbështetjen për viktimat në implementimin e të drejtës së tyre për të ditur të vërtetën për shkeljen masive të të drejtave të njeriut që pasuan shpërbërjen e ish-Jugosllavisë. Të gjitha më sipër do të ndihmonin të vërtetën të dilte në pah dhe do të garantonin mospërsëritjen  e atyre që ndodhën.